街坊：唔敢踩单车

　　广州千辆公共单车日前出街，有领导踩车试行后大赞几好，同时话要将单车增加到1.5万辆、400个网点。但系，有媒体发布嘅网络调查显示，“会去尝试”嘅网民只有14.67% ，实际租车人数不足二百。

　　踩咗三十几年单车嘅我，对单车情有独钟。但系，即使网点就喺家门口，我都唔敢再踩，因为辛苦同危险。有件事想唔明白：对单车出街，如果某条马路单车道安全无保障，应该设禁行标志;如果不设禁行标志，就应该开条单车道，因为非机动车同机动车唔可以混行。或者禁止单车通行，或者设条单车通道，如果两样都唔做，把踩车嘅安全问题，全部交由踩车人喺汽车堆里左避右闪，好似讲唔过去!

　　先有路后有车系城市常识。政府推出公共单车，等于鼓励单车出行，但点解对单车嘅路权划分“唔抹你只碗”?就算有路，唔系过窄就系凹凸不平、障碍多多!其实绿色出行，多条单车通道要比多N辆公共单车更有实际意义;单车易行了，边个买唔起?

　　我非常支持公共单车，只觉得，网点应设喺单车道较为完善嘅路段，比如滨江路、广州大道北;先在小范围试行，睇下有乜问题，易唔易解决。一下子“大上快上”，怕就怕单车成日晒太阳等人租，白白浪费钱财。最担心系公共单车被迫踩出马路，有乜冬瓜豆腐时全由自己埋单，有关部门连眼尾都唔扫下!

　　(免责声明：本文仅代表作者个人观点，与本网无关。其原创性以及文中陈述文字和内容未经本站证实，对本文以及其中全部或者部分内容、文字的真实性、完整性、及时性本站不作任何保证或承诺，请读者仅作参考，并请自行核实相关内容。)